Mwongozo wa Haraka

Mwongozo wa ukusanyaji wa takwimu za uvuvi and jamii

Mwongozo wa haraka kuhusu mifumo na itifaki za utafiti wa kukusanya takwimu kutumia koboToolbox

Utangulizi

Mwongozo wa haraka hutoa mwongozo wa hatua kwa hatua wa kukusanya na kuthibitisha takwimu za uvuvi na jamii kupitia mfumo. Mwongozo huu unatoa muhtasari wa mchakato wa ukusanyaji wa data na unaelezea taratibu za kuongeza faili za kumbukumbu na udhibiti wa ubora kwenye majedwali.

Tuliandaa fomu nne za utafiti ili kukusanya data juu ya uvuvi na jamii za wavuvi. Maelezo ya kina ya utafiti yanapatikana katika mwongozo kamili kwa lugha ya Kiingereza, Bahasa Indonesia, Cebuano, Kifaransa, Kitagalogi, Kiswahili, Kimalagasi, Kihispania, Kireno, na Tetun.

Utafiti wa Ufuatiliaji wa Kutuai unakusanya takwimu za chini kabisa, ikiwezekana kila siku au mara nyingi iwezekanavyo, zinazohitajika kufuatilia mwelekeo wa muda mrefu katika uzalishaji wa uvuvi/mavuvi, muundo wa spishi, na thamani ya samaki waliovuliwa. Utafiti huu unaweza kusaidia kutathmini athari za kufunga maeneo ya uvuvi au mikakati mingine ya usimamizi kwa kulinganisha takwimu kabla na baada ya utekelezaji. Fomu hii ni mfupi na rahisi kutumia ili kuruhusu ukusanyaji wa takwimu mara kwa mara na thabiti zaidi.

Utafiti wa Profaili za kutua unakusanya takwimu za kina za uvuvi kuhusu zana, jitihada, na ukubwa wa samaki mmoja mmoja au viumbe vingine pamoja na taarifa maalum kwa makundi ya spishi maalum kama vile jinsia, ubora wa samaki waliovuliwa, takwimu za stylet, na ukomavu wa mayai. Ubora wa pweza waliovuliwa unajumuisha mbinu za kuhifadhi, rangi, idadi ya miale/miguu, mikwaruzo ya mwili, ubora wa mdomo, na hali ya ngozi. Takwimu za stylet ya pweza pweza zinajumuisha picha za sampuli na kipenyo cha ukuaji. Takwimu za ukomavu wa mayai zinazingatia uzito wa gonadi, rangi, hatua, urefu, na mwonekano wa mistari katika tezi za ovari za pweza wa kike. Utafiti huu unakamilisha takwimu za ufuatiliaji wa utuaji na kusaidia washirika kuelewa vizuri mwelekeo wa samaki waliovuliwa katika uzalishaji wa uvuvi na matokeo za usimamizi wa uvuvi. Utafiti huu unafaa kufanywa mwanzoni mwa ushirikiano katika jamii na kufuatilia kila baada ya mwaka mmoja hadi miwili, kabla na baada ya kutekeleza mkakati wa usimamizi, au inavyohitajika ili kueleza mabadiliko katika samaki waliovuliwa kupitia takwimu za ufuatiliaji.

Utafiti wa Kuprofaili Jamii unakusanya uelewa wa kina wa mandhari ya kijamii na kiuchumi pamoja na uvuvi wa jamii. Utafiti huu hutumiwa wakati wa kwanza kushirikiana na jamii na kurudiwa inapofaa ili kuandika mabadiliko makubwa katika tabia za uvuvi, mitazamo ya wavuvi, na usimamizi wa rasilimali. Mara ya kufanya utafiti itategemea ukubwa wa mradi (kwa mfano, wakati mabadiliko yanatarajiwa kutokea).

Utafiti wa Kaya za Wavuvi hukusanya taarifa za kina za kaya za wavuvi, kama vile mitazamo ya kaya kuhusu shughuli zinazohusiana na uvuvi, vyanzo vya mapato, shughuli za kila siku, aina kuu za samaki wanaovuliwa, utegemezi wa samaki kwa chakula, na shughuli za uvuvi. Utafiti huu hutumiwa wakati wa kwanza kushirikiana na jamii na hurudiwa kila baada ya miaka miwili hadi mitano au baada ya kuingilia kati kwa usimamizi ili kuandika mabadiliko katika tabia za uvuvi, mitazamo ya wavuvi, ufanisi wa usimamizi, usalama wa chakula, uaminifu, na usawa wa kijinsia.

Hatua Za Kutumia Fomu Za KoboToolbox

  1. Andaa data ya kumbukumbu
    1. Takwimu za kumbukumbu zinaweza kuongeza kupitia Smartsheet na zina taarifa kamili kuhusu viwango vya utawala wa jamii za uvuvi (nchi, mkoa, wilaya/manispaa, kijiji/jamii), maeneo ya utuaji, wavuvi, wanunuzi, wakusanyaji wa takwimu, takwimu za spishi, maeneo ya usimamizi, aina za makazi, aina za zana/nyenzo, na mashirika ya washirika.
    2. Karatasi za takwimu za kumbukumbu hutumiwa kuwezesha orodha za kuchagua katika fomu za utafiti za KoboToolBox na kuunganisha takwimu za ziada zinazohitajika kwa uchambuzi kama vile vipengele vya vijiji na jinsia za wavuvi
    3. Ongeza kwa kumbukumbu takwimu za spishi mpya, wavuvi, wanunuzi, maeneo ya kutua, vijiji, n.k. ambazo zinahitajika kwa ukusanyaji wa takwimu katika maeneo mapya.
    4. Ni muhimu kwamba faili hizi ziwe na habari za sasa/kamili ili ukusanyaji na uchambuzi wa data uweze kufanyika kwa urahisi. Faili za kumbukumbu zinahifadhiwa kwenye Kobo kila baada ya masaa 12-24.
  1. Tengeneza Akaunti Ya KoboToolbox
    1. Utafiti wote unatekelezwa kupitia fomu za KoboToolBox. Fomu zote za utafiti zinaweza kusambazwa na akaunti ya KoboToolBox.
    2. Tengeneza Akaunti yako ya Kobo Toolbox kwenye seva ya jumla kwenye https://kf.kobotoolbox.org/accounts/signup/
    3. Tafadhali wasiliana na timu na maelezo ya akaunti yako ya Kobo na jina lako la mtumiaji ili fomu sahihi ziweze kusambazwa kwa akaunti yako.

  1. Pakua Programu Ya KoboCollect.

    1. Fomu za Kobo zinaweza kupatikana kupitia programu ya bure ya simu ya Android ya KoboCollect au kupitia fomu ya mtandao ya Enketo.

  2. Weka fomu kwenye programu ya KoboCollect. Angalia Mwongozo wa Kobo kwa maelekezo zaidi.

    1. Baada ya kupakua programu, weka URL ya seva, jina la mtumiaji, na nambari ya siri, ambavyo vitaiunganisha programu yako ya KoboCollect na seva ya KoboToolbox. Hii inakuwezesha kupakua fomu zilizotekelezwa kutoka KoboToolbox kwenye kifaa chako cha simu na pia kutuma takwimu iliyokusanywa kupitia programu kurudi kwenye seva. Kwa URL, tumia URL ya seva ya matumizi ya jumla - https://kc.kobotoolbox.org.
    2. Unaweza kufikia “Mipangilio ya Mradi” kwa kubonyeza ikoni katika kona ya juu upande wa kulia wa skrini.
    3. Ukiwa kwenye skirini, chagua ” Pakua Fomu.”
    4. Orodha ya fomu zako zote zilizowekwa zitaonekana. Bonyeza “Chagua Zote” ili kupeleka fomu zote za utafiti kwenye programu au chagua zile unazotaka kutoka kwa orodha. Kisha, bonyeza “Pata Zilizochaguliwa.”
    5. Ni muhimu kwamba fomu zinasasishwa mara kwa mara ili kuhakikisha toleo la karibuni la fomu linatumika ili kuepuka matatizo katika mchakato wa takwimu. Wakati fomu ya mtandao inasasishwa moja kwa moja wakati toleo jipya la fomu linapatikana, watumiaji wanapaswa kuchagua “sasisho la moja kwa moja” katika programu. Unaweza kutengeneza sasisho moja kwa moja kwa kwenda kwenye “Mipangilio” na “Usimamizi wa Fomu”
  1. Kusanya data kwa kutumia fomu za utafiti za KoboToolBox.
    1. Kusanya data kwa kuchagua “Anza Fomu Mpya” kwenye programu ya KoboCollect. Angalia maelekezo ya kina kuhusu kukusanya takwimu kwa kutumia programu katika Mwongozo wa Kobo.
    2. Mwisho wa utafiti, chagua “Kamilisha.” Ikiwa unataka kuhariri/kupitia fomu kabla ya kuwasilisha, chagua “Hifadhi kama rasimu.” Ikiwa umechagua “Hifadhi kama rasimu,” fomu yako itatumwa kwa “Rasimu.” Hapa, unaweza kufanya marekebisho kwenye fomu kabla ya kuwasilisha kwenye seti ya takwimu. Baada ya kufanya marekebisho, chagua “Kamilisha,” kama ilivyotajwa hapo juu. Baada ya kuchagua “Kamilisha,” fomu hiyo itahifadhiwa moja kwa moja kwenye “Tayari kutuma.” Katika toleo la sasa la Kobo, bado unaweza kuhariri fomu hapa. Hata hivyo, baadaye, hautaweza kuhariri mara zikiwa zimekamilishwa, na “Tayari kutuma” itakuwa mahali pa kuhifadhi fomu zilizokamilika hadi uwe na intaneti kutuma kwenye seva. Chagua “Tuma zilizochaguliwa” ili kutuma fomu zote kwenye seva.
    3. Takwimu zilizokusanywa kwa kutumia programu au fomu ya wavuti zitasafishwa na kuhifadhiwa katika mfumo mkuu wa kuhifadhi ya takwimu. Takwimu za asili zimehifadhiwa kwenye hifadhidata ya KoboToolbox.
  1. Thibitisha data Katika Smartsheet
    1. Takwimu yote inayopita kwenye mfumo wa takwimu za uvuvi inathibitishwa katika Smartsheet. Mwongozo kamili wa maelekezo ya hatua kwa hatua ya kukamilisha mchakato huu unapatikana kwenye ukurasa wa Uthibitishaji wa Takakwimu.
    2. Takwimu hutumwa kwa ajili ya uthibitishaji katika njia mbili; 1) majina mapya ya mvuvi, mnunuzi, mkusanyaji wa takwimu au spishi huongezwa kwa kwenye Kobo Collect, au 2) nambari inazidi viwango vilivyowekwa. Mipangilio hii lazima ithibitishwe kabla ya kuongezwa kwenye seti ya mwisho ya takwimu, kuonyeshwa kwenye dashibodi, na kuongezwa kwenye faili za kumbukumbu.
    3. Majina mapya au data zilizobainishwa hutumwa kwenye jedwali sahihi ya udhibiti wa ubora kwenye Smartsheet ili wanaosimamia ukusanyaji wasithibithishe. Jedwali za udhibiti wa ubora ni maalum kwa washirika na zinaweza kupatikana kupitia maombi yanayotumwa email yako au kwa kupitia viungo vya Dynamic view vilivyotolewa kwako. Viongozi wanaosimamiaukusanyaji watakwimu watapokea taarifa kwenye email wakati data inahitaji kuthibitishwa kwenye jedwali sahihi ya udhibiti wa ubora.
    4. Kuthibitisha majina mapya: Wakati jina jipya linaingizwa wakati wa ukusanyaji wa data, jina hilo hurejelewa moja kwa moja dhidi ya faili za kumbukumbu ili kutathmini kama maingizo mapya yanaweza tayari kuwapo katika faili za kumbukumbu, lakini labda yameandikwa tofauti. Maingizo yoyote yanayofanana yataongezwa kwenye jedwali la ubora chini ya safu za “ref_match.” Viongozi wanaweza kisha kuthibitisha kwa urahisi kama data “mpya” kwa kweli tayari ipo kwenye faili za kumbukumbu. Viongozi wa takwimu watakamilisha safu ya “mapendekezo ya udhibiti” katika kila jedwali la ubora kwa kuchagua aidha takwimu mpya, maingizo ya takwimu yaliyojirejea kutoka kwenye faili za kumbukumbu (yaani, “ref_match”), nyingine, au toa. Ikiwa “nyingine” imechaguliwa, lazima utoe jina katika safu ya “nyingine.” Ikiwa ni jina jipya la spishi za eneo ambalo linahitaji kuthibitishwa, safu na picha iliyochukuliwa wakati wa ukusanyaji wa data itatolewa kwa ajili ya kusedia kutambua.
    5. Kuthibitisha nambari zilizo na maonyo: Kwa maingizo yoyote ya takwimu yaliyoainishwa, wasimamizi wa takwimu watakamilisha uthibitishaji wa takwimu katika safu ya “sahihi” kwa kuchagua Y (ndiyo, nambari si sahihi), N (hapana, nambari si sahihi), au remove (data haiwezi kuthibitishwa na inapaswa kuondolewa kutoka kwenye seti ya data kuu). Ikiwa hapana imechaguliwa, thamani sahihi za numerator au denominator zinapaswa kuingizwa katika safu za “correct_numerator” na “correct_denominator.”
    6. Baada ya takwimu kuthibitishwa katika jedwali la ubora, tutaongeza taarifa mpya kwenye faili ya kumbukumbu na kutoa marekebisho muhimu kwenye seti ya takwimu kuu.

  1. Sasisha karatasi ya tafsiri

    1. Tafsiri kwa lugha zote zinakamilishwa kwa kuhariri karatasi sahihi katika Smartsheet.

  2. Onyesha na tumia data

    1. Uchambuzi na vielelezo vya moja kwa moja vitapatikana kupitia dashibodi zilizosanifishwa. Seti za takwimu pia zitapatikana kwa kupakuliwa kwenye dashibodi au kupitia kiungo cha moja kwa moja kwenye hifadhi takwimu nyingine.

Tafadhali tujulishe ikiwa una maswali lolote.

Asante!